Ua Tsaug Plig (Hauv Qhua)
Thov Txim Ntau Rau Cov Ua Twb Txawj Lawm Thiab Cov Ua Twb Tsis Siv Cov Kev Cia No Lawm Ntawm No Kuv Tsua Sau Thiab Hais Rau Li Tej Niam Tej Txiv Ua Nyob Rau Sab Teb Chaw Ntawm Peb Xwb Tej Zaum Yuav Tsis Hais Li Nyob Rau Sab Teb Chawm Ntawm Nej Los Thov Zam Txiv Txim Thiab Nawb, Yog Muaj Qee Qhov Tsis Yog No Los Ho Sau Ntaub Sau Ntawv Tuaj Qhia Thiab Nawb Ua Tsaug
Ua Tsaug Plig , Hauv Qhua ( Yog Tsev Yeej Ncuab Zaj )
Ua Tsaug Mog Yeeb Vim Nram Ntej Ub Peb Tsev Yeej Ncuab, Tsev Mob Tsev Tuag, Tsev Puas Tsev Ntsoog, Sij Hawm Tom Qab No, Peb Tsev Yeej Ncuab Ho Tos Niam Nkauj Plig Los Saib Vag Saib Tse, Daws Nkauj Vab Nkauj Le, Koj(Rau Tuaj Tuaj Pab Lub Npe) Tseem Xav Neej Xav Tsav, Koj Tseem Toom Txheej Toom Yig, Nyiaj Txiag Ntos, Qaib Noog Ntos, Dej Cawv Ntos,Tshav Ntuj Ntos, Cab Yag Cab Nco Luaj Phab Tog, Ris Dej Ris Cawv Luaj Zeb Zog Tuaj Pab Peb Tsev Yeej Ncuab Nta Dab Nta Qhua,Ntseg Log Puav Tam Tus Ncej Txhab, Pab Peb Daws Tau Niam Nkauj Teej Plog, Txiv Nraug Teej Plig Lub Me Nkauj Vab, Niam Nkauj Teej Plog, Txiv Nraug Teej Plig Tau Mus Cuag Poj Cuag Yawm Rau Ntuj Sua Teb Puag Tom Qab, Nyob Li Hnub Qab Nram Lub Ntsis, Kaj Ntug Nag Kis, Xab Theeb Lwm Hnub, Peb Tsev Yeej Ncuab Ua Lub Neej Zoo Xws Luag Ces Peb Yuav Pauj Koj Tus Txiaj Tus Ntsig Rov Qab, Yog Peb Ho Ua Lub Neej Zoo Tsis Xws Luag Ces Ntshe Peb Yuav Ua Nag Tshauv Nag Tshia, Tshia Lij Tshis Rau Tej Mus Yas Kab Xwb No Laus Mog, ( Ces Pe Luag Xwb )
Ua Tsaug Plig, Hauv Qhua Plig ( Yog Hauv Qhua Zaj )
Ua Tsaug Dab Tsi, Vim Nram Ntej Ub Nej Tsev Yeej Ncuab, Tsev Mob Tsev Tuag, Tsev Puas Tsev Ntsoog, Sij Hawm Tom Qab No, Nej Tsev Yeej Ncuab Ho Tos Niam Nkauj Plig Los Saib Vag Saib Tse, Daws Nkauj Vab Nkauj Le, Nyob Li Kuv Ua (Rau Yus Rau ), Ua Lub Neej Zoo Xws Luag Ces, Kuv Yuav Toom Txheej Toom Yig, Nyiaj Txiag Ntos, Tshav Ntuj Ntos, Qaib Noog Ntos, Dej Cawv Ntos, Cab Yag Cab Nco Luaj Phab Tog, Ris Dej Rid Cawv Luaj Zeb Zog, Tuaj Pab Nej Tsev Yeej Ncuab Nta Dab Nta Qhua, Ntseg Log Puav Tam Tus Ncej Txhab, Pab Daws Tau Niam Nkauj Teej Plog, Txiv Nraug Teej Plig Lub Me Nkauj Vab, Niam Nkauj Teej Plog, Txiv Nraug Teej Plig Ho Tau Mus Cuag Poj Cuag Yawm Rau Ntuj Sua Teb Puag Tom Qab, Tiam Sis Yeeb Vim Kuv Ua (Rau Yus Rau) Los Kuj Ua Lub Neej Zoo Tsis Xws Luag, Yam Tsis Tsheej Yam, Tsi Tsis Tsheej Tsi, Twb Tuaj Tauv Tsis Tau Txiaj Mog Sis Mim Thiab Txiaj Lag Tub Yau, Teev Me Kua Muag Ntxaum Li Ntxiav Rau Tej Mus Npoo Vaj, Kuv Ua (Rau Yus Rau) Ces Tsua Lam Ua Niam Ntab Mos Muv Ya Yuj Tuaj Ntsauv Paj Hmab Xwb Txhob Ua Nkim Los Tsaug Mog ( Ces Tsa Luag Xwb )
0 Comments:
แสดงความคิดเห็น