Nyob zoo rau ib tsoom phooj ywg sawv daws ntawm kuv tsuas yog sau raus li tej niam tej txiv nyob rau sab teb chaw ntawm peb siv thiab ua los mus tej zaum yuav tsis ua thiab tsis hais li nyob rau sab teb chaw ntawm nej. nco ntsoov tias kuv tsuas sau li nyob rau sab teb chaw ntawm peb xwb nawb.yog koj ho nyiam kawm thiab xav paub no kawm thiab nyeem hauv qab no tau nawb ua tsaug
Ua tsaug plig, nyiaj tshav ntuj ( yog tsev yeej ncuab zaj )
Ua tsaug mog yeeb vim nram ntej ub peb tsev yeej ncuab, tsev mob tsev tuag, tsev puas tsev ntsoog, sij hawm tom qab no, peb tsev yeej ncuab ho tos nwj laug los saib vag saib tse, daws nkauj vab nkauj le, Koj tseem xav neej xav tsav xav ntsuab xav ze, koj tseem toom txheej toom yig, nyiaj txiag ntos, tshav ntuj ntos, tuaj pab peb tsev yeej ncuab nta dab nta qhua, ntseg log puav tam tus ncej txhab, pab daws tau niam nkauj plig lub me nkauj vab, niam nkauj plig tau mus cuag poj cuag yawm rau ntuj sua teb puag tom qab, Nyob li hnub qab nram lub ntsis, kaj ntug nag kis, xab theeb lwm hnub, peb ua lub neej zoo xws luag ces peb yuav pauj koj tus txiaj tus ntsig rov qab, hos yog peb ua lub neej zoo tsis xws luag ces ntshe peb yuav ua nag tshauv nag tshia, tshia lij tshis rau tej mus yas kab xwb no laus mog, ( ces pe luag xwb )
Ua tsaug plig, nyiaj tshav ntuj ( yog kwv tij neej tsa zaj )
Kev txais luag yim ntawm koj coj nyiaj mus pab ib tsoom kwv tij neej tsa thaum luag muaj kev txom nyem ces luag yuav ua koj tsaug ces koj yuav tau txais luag yim os nawb.
Ua tsaug dab tsi yeeb vim nram ntej ub nej tsev yeej ncuab, tsev mob tsev tuag, tsev puas tsev ntsoog, sij hawm tom qab no, nej ho tos nwj laug los saib vag saib tse, daws nkauj vab nkauj le, Nyob li peb ua lub neej zoo xws luag ces peb yuav toom txheej toom yig, nyiaj txiag ntos, tshav ntuj ntos, qaib noog ntos, dej cawv ntos, cab yag cab nco luaj phab tog, ris dej rid cawv luaj zeb zog, tuaj pab nej tsev yeej ncuab nta dab nta qhua, ntseg log puav tam tus ncej txhab, pab daws tau niam nkauj plig lub me nkauj vab, niam nkauj plig li tau mus cuag poj cuag yawm rau ntuj sua teb puag tom qab, Tiam sis yeeb vim peb los kuj ua lub neej zoo tsis xws luag, yam tsis tsheej yam tsi tsis tsheej tsi, twb tuaj tauv tsis tau txiaj mog sis mim thiab txiaj lag tub yau, teev me kua muag ntxaum li ntxiav rau tej mus npoo vaj, peb ces tsua ua niam ntab mos muv sib tw ntsauv paj hmab es txhob ua tsaug mog, nkim los tsaug xwb no laus mog, ( ces tsa luag xwb )
0 Comments:
แสดงความคิดเห็น