ua tsaug neeb

 Ua Tsaug Neeb

Ua Tsaug Nawb Mog, Koj Txiv Neeb Txiv Yaig Hnub No Peb Vam Vam Koj Lub Dag Lub Zog, Tuaj Ntoj Neeb Nthuav Yaig  Kho Peb (Rau Tus Mob Lub Npe), 9 Txoj Kab Los Koj Mus Ntos Txhij , 8 Txoj Kev Los Koj Mus Nto Txhua, Tsim Nyog Ce Peb Kwv Tij Txiv Tub Twb Yuav Npaj Kom Tau Ib Qho Me Zoo Ntxuag Rau Koj Khaws, Ib Pas Me Zoo Cawv Rub Koj Txiv Neeb Txiv Yaig Los Rau Saum Rooj Tuaj Zog Sab Pev, Es Yuav Ua Lawm Koj Ib Los Tsaug Tiam Sis Yeej Vim Xav Tau Loj Los  Ua Tsi Tau, Cuag Li Tias Yuav Rub Koj Txiv Neeb Txiv Yiag Los Saum Rooj Qhuav Qhuav, Es Vam Koj Lub Dag Lub Zog Xwb Los Thov Koj Zam Lub Txim Pub, Kaj Ntug Tag Kis Xaj Theeb Lwm Hnub Koj Tsis Muaj Chaw Txib Chaw Hu Los Puj Sis Cia Li, Yog Koj Muaj Chaw Txib Chaw Hu No, Ntshe Koj Vam Tsis Txog Peb Tsoom Kwv Tij Txiv Tub Xwb, Yog Koj Vam Txog Peb Tsoom Kwv Tij Txiv Tub Tus Txawj Yam Twg Yuav Tuaj Pab Koj Yam Ntawv Es Ua Koj Txiv Neeb Txiv Yaig Tsaug Nawb Mog.