Kev Khi Tes

Nyob Zoo Rau Ib Tsoom Phooj Ywg Sawv Daws Zoo Siab Koj Tseem Laug Koj Lub Ciaj Lub Nyoog Tuaj Koom Peb Kev Qhia Hmoob Li Txuj Kev Cia Thiab Muaj Lus Ua Tsaug Ntau Nco Ntsoov Nias Follow Caum Peb Thiab Nawb Peb Kev Qhai Nyob Rau Ntawm No Tsua Yog Sau Raws Li Nyob Rau Sab Teb Chaw Ntawm Peb Xwb Tej Zaum Yuav Tsis Zoo Thiab Tsis Hais Li Nyob Rau Sab Teb Chaw Ntawm Nej Txawm L Cas Los Yog Ho Tshuav Qhov Twg Tsis Zoo No Ho Comment Tuaj Qhia Thiab Nawb

KEV KHI TES RAU ME NYUAM TSHIAB 3 TAG KIS

   Ov Hnub No Zoo Hnub Zoo Nyoog Koj Los Nrhiav Tau Niam Tau Txiv Tau Kwv Tau Tij, Tau Txaj Tau Chaw, Tau Cub Tau Taws. Niam Zoo Siab Txiv Zoo Ntsws. Niam Txiv Muab Niag Tsiaj Los Nqee Ntsuj, Niag Txhuv Los Nqee Plig. Muab Qaib Muab Qe Hu. Kuv Khi No Kuv Khi Los Nrog Niam Nrog Txiv, Nrog Kwv Los Nrog Tij Nrog Viv Los Nrog Ncaus, Yuav Los Ncoo Txaj Ncoo Chaw Los Ncoo Cub Ncoo Taws. Yuav Hlob Dhia Rhees Kom Txhiab Tsis Muaj Mob Puas Xyoo Tsis Muaj Nkeeg Los Nyob Nqaij Toog Txhav Hlau, Nqaij Zeb Txhav Tsua No Lau

KHI TES RAU NIAM TXIV TSHIAB

   Hnub No Zoo Hnub Kuv Khi No Kuv Tsis Khi Koj Kev Txij Kev Nkawm Hnub No Koj Tau Txij Tau Nkawm Tau Poj Tau Sev. Kuv Khi No Kuv Tsuas Khi Neb Los Ua Txij Ua Nkawm. Khi Los Nyob Ua Txwj Zaum Ua Laus. Kom Niam Mloog Txiv Qhuab Txiv Mloog Niam Hais. Khi Los Rau Saum Txaj Khi Los Rau Saum Chaw. Tu Tub Kom Puv Vaj Tu Kiv Kom Puv Log. Ua Qoob Ua Kom Los Puv Txhab. Khwv Nyiaj Khwv Txiaj Kom Los Puv Hnab. Tu Tsiaj Kom Tau Tus Kub Ntswj Tu Tub Tu Kiv Kom Tau Tus Los Ua Luag Xeev Txwj. Tu Tsiaj Kom Tau Tus Kub Nkhaws Tu Tub Tu Kiv Kom Tau Tus Los Ua Luag Xeev Laus No Lau